«Milliy tiklanish» demokratik partiyasidan prezidentlikka nomzod Alisher Qodirov bugun andijonlik saylovchilar bilan uchrashdi.
Uchrashuvda Alisher Qodirovning o‘zi nutq so‘zlab, yig‘ilganlarni o‘zining saylovoldi dasturi bilan tanishtirdi.
Alisher Qodirovning Buxoro viloyatidagi ishonchli vakili, Oliy Majlis Senati a'zosi Abira Huseynova viloyatdagi eng chekka hudud — Qorovulbozor tumanida saylovchilar bilan uchrashuv o‘tkazdi.
Uchrashuvda ishonchli vakil prezidentlikka nomzodning tarjimai holi va saylovoldi dasturi bilan tanishtirdi. Saylovchilarning savollarga javob qaytardi.
Tadbir yakunida partiyaning «Xizmat — beminnat» loyihasi doirasida bepul qo‘shimcha ta'lim olib, biologiya yo‘nalishida eng yuqori ball bilan Buxoro davlat universitetiga davlat granti asosida talabalikka qabul qilingan Uljan Talmaxanovaning ustozi Ziyodullo Rahmatovga alohida minnatdorchilik bildirildi.
