11:50 / 18.10.2021
1709

Navoiyda fuqarodan fotosurat va videolarini internetda tarqatib yubormaslik evaziga 30 mln so‘m talab qilgan shaxs ushlandi

Foto: Iqtisodiy jinoyatlarga qarshi kurashish departament

Navoiyda fuqaroni ijtimoiy tarmoqlar orqali obro‘sizlantirmoqchi bo‘lgan tovlamachi qo‘lga olingan. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda. 

Ma'lum qilinishicha, fuqaro D.X. boshqa bir fuqaro N.ning qadr-qimmati va obro‘yiga putur yetkazishi mumkin bo‘lgan fotosurat va videolarni ijtimoiy tarmoqlarda tarqatib yuborishi bilan qo‘rqitib, undan 30 mln so‘m talab qilgan. U tanishi D.ning plastik kartasiga 29,7 mln so‘m o‘tkazib olgan vaqtida o‘tkazilgan tezkor tadbirda ashyoviy dalillar bilan ushlangan.   

Holat yuzasidan Jinoyat kodeksining 165-moddasi (tovlamachilik) bilan jinoyat ishi qo‘zg‘atilgan. 

Oldinroq Navoiyda Navbahor tumani hokimligi zaxirasida bo‘lgan 40 sotix yer maydonini sotmoqchi bo‘lgan shaxs qo‘lga olingandi.

Top