15:33 / 19.10.2021
2856
JSST kambag‘al mamlakatlarga koronavirusga qarshi tabletkalar yetkazib berishga qaror qildi

Ushbu sinov preparati koronavirusga qarshi dunyodagi ilk tabletka ko‘rinishidagi dori bo‘lishi mumkin.

Foto: Reuters

Jahon sog‘liqni saqlash tashkiloti kambag‘al mamlakatlarga arzon narxlarda koronavirusga qarshi testlar va tabletkalar yetkazib berishga qaror qildi. Bu haqda JSSTning ASTA tashabbusi hujjatiga asoslanib Reuters xabar berdi.

Agentlikning qayd etishicha, hujjat hozircha qoralama ko‘rinishida bo‘lib, unga muvofiq, bemorlar bir kursining narxi 10 dollarni tashkil etuvchi preparat bilan ta'minlanadi.

ACTA hujjatida qaysi doridan foydalanilishi aytilmagan. Reuters bu AQShning Merck kompaniyasi va uning hamkori Ridgeback Biotherapeutics ishlab chiqargan molnupiravir dori vositasi ekanligini taxmin qilmoqda.

Ushbu sinov preparati koronavirusga qarshi dunyodagi ilk tabletka ko‘rinishidagi dori bo‘lishi mumkin. 

Oktyabr boshlarida dorining klinik sinovlari yakunlangan. AQSh regulyatori hozircha undan foydalanishga ruxsat bermadi.

Mavzuga oid
Top