Portlashdan so‘ng beshinchi sinf o‘quvchisining egnidagi kiyimi yonib ketgan, bolaning o‘zi esa og‘ir jarohat olgan.
Vetnamda maktab o‘quvchisi mobil telefon portlashi oqibatida halok bo‘ldi, deb yozadi Mirror. Xabar qilinishicha, voqea onlayn-dars vaqtida, telefon quvvatlanayotgan paytda sodir bo‘lgan.
Portlashdan so‘ng beshinchi sinf o‘quvchisining egnidagi kiyimi yonib ketgan, bolaning o‘zi esa og‘ir jarohat olgan.
Mahalliy OAVning yozishicha, hodisa sodir bo‘lgan vaqtda u uyda yolg‘iz bo‘lgan, unga qo‘shnilar yordamga yetib kelgan.
Bola shifoxonaga olib borilganidan so‘ng shifokorlarning yordamiga qaramasdan vafot etgan.
Xabarda portlagan telefonning rusumi ma'lum qilinmagan.