Bolgariya IIVning ma'lumot berishicha, yil boshidan buyon 6,5 mingdan ziyod kishi chegarani noqonuniy kesib o‘tgan. Bu 2020 yilning 9 oyida o‘tgan nolegallar sonidan uch baravarga ko‘pdir.
Bolgariya Turkiya bilan chegarasiga 350 nafar harbiy jo‘natdi. Ular noqonuniy migrantlar oqimini to‘xtatishda politsiyaga yordam beradi. Bu haqda mamlakat mudofaa vaziri Georgi Panayotov ma'lum qildi.
“Bugun askarlar politsiyachilarni qo‘llab-quvvatlash uchun Bolgariya–Turkiya chegarasiga yetib keldi”, – dedi vazir va chegaraga 40 ta texnika ham joylashtirilganini qo‘shimcha qildi.
Bolgariya IIVning ma'lumot berishicha, yil boshidan buyon 6,5 mingdan ziyod kishi chegarani noqonuniy kesib o‘tgan. Bu 2020 yilning 9 oyida o‘tgan nolegallar sonidan uch baravarga ko‘pdir.
Bolgariya Turkiya bilan 260 kilometrli chegaraga ega.