19:45 / 03.11.2021
2779
JSST Hindistonning koronavirusga qarshi vaksinasidan foydalanishga ruxsat berdi

JSST ko‘rsatmasiga muvofiq, vaksina 18 yoshdan kattalarga to‘rt hafta oraliqda ikki doza kiritiladi.

Foto: EPA

Jahon sog‘liqni saqlash tashkiloti Hindistonning Bharat Biotech kompaniyasi ishlab chiqargan koronavirusga qarshi Covaxin vaksinasidan favqulodda tartibda foydalanishga ruxsat berdi.  

Ekspertlar vaksina «koronavirusdan himoya qilish bo‘yicha JSST standartlariga mos kelishi»ni bildirgan.

JSST ko‘rsatmasiga muvofiq, vaksina 18 yoshdan kattalarga to‘rt hafta oraliqda ikki doza kiritiladi.

Bharat Biotech yozda koronavirusga qarshi ishlab chiqargan vaksinasi uchinchi bosqich klinik sinovlarda 77,8 foiz samaradorlik ko‘rsatganini ma'lum qilgandi.

Avvalroq ushbu vaksinadan foydalanishga Braziliya va Hindistonda ruxsat berilgandi.

Mavzuga oid
Top