Oktabr oyida O‘zbekistonda ko‘chmas mulk oldi-sotdisi bo‘yicha 21,6 mingta shartnoma rasmiylashtirilgan. Bu sentabr oyiga (19,3 ming) nisbatan 9,5 foizga ko‘p.
Iqtisodiy tadqiqotlar va islohotlar markazi tahlillariga ko‘ra, joriy yilning oktabr oyida O‘zbekistonda ko‘chmas mulk oldi-sotdisi bo‘yicha 21,6 mingta shartnoma rasmiylashtirilgan. Bu sentabr oyiga (19,3 ming) nisbatan 11,7 foizga ko‘p. Shu bilan birga, 2020 yilning mos davriga (19,7 ming) nisbatan o‘sish 9,5 foizni tashkil etmoqda.
2021 yilda ko‘chmas mulk bo‘yicha maksimal faoliyat avgust oyiga to‘g‘ri kelgan.
Shu bilan birga sentabr oyiga nisbatan barcha hududlarda o‘sish kuzatilgan.
Xususan, ko‘chmas mulk oldi-sotdisining eng yuqori o‘sish sur'atlari Andijon (30,5 foiz), Xorazm (25,4 foiz), Navoiy (22,2 foiz) viloyatlarida, eng past ko‘rsatkich esa Surxondaryo (5,7 foiz), Toshkent (8,4 foiz) viloyatlarida va Toshkent (7,5 foiz) shahrida qayd etilgan.
Ko‘chmas mulk bozorida bitimlar soni ko‘payishining asosiy sabablari sifatida pandemiya inqirozidan keyin aholi sotib olish qobiliyatining tiklana boshlashi keltirilgan bo‘lib, bu o‘z navbatida yig‘im-terim mavsumining oxiri va qishloq xo‘jaligi ishlab chiqaruvchilari tomonidan daromad olish bilan bog‘liqligi aytib o‘tilgan.