Shavkat Mirziyoyev Toshkent shahrini aylanmoqda.
Prezident Shavkat Mirziyoyev prezidentlikka saylanganidan keyin hududlarga ilk tashrifini Toshkent shahrining Shayxontohur tumanidan boshladi.
Davlat rahbari Sarxumdon va Gulobod mahallalari bo‘ylab yurib, bu yerdagi sharoitlar bilan tanishmoqda.
Kun.uz muxbirining xabar berishicha, davlat rahbari belgilangan rasmiy rejada qayd etilmagan holda Shayxontohur tumanining bir necha mahallalarini aylanib chiqdi.
Prezidentning navbatdagi manzili Shayxontohur tumanidagi 41-umumta'lim maktabi bo‘lib, u yerda davlat rahbari o‘quvchilar uchun yaratilgan shart-sharoitlar bilan tanishdi hamda maktab jamoasi va o‘quvchilar bilan suhbatlashdi.
Maktabning holati bilan tanishgan prezident ta'lim muassasasini to‘liq ta'mirdan chiqarish yuzasidan topshiriqlar berdi.
Shundan so‘ng davlat rahbari Sarxumdon mahallasidagi nuroniylar bilan suhbatlashgan. Mahalladagi yoshi keksa insonlar bilan birgalikda ko‘chat ekkan.
