Asaka tumani "Otish" MFYda dehqon Rustam Musayev issiqxonada qulupnay yetishtirmoqda. U yetishtirgan qulupnaylarning kilosi 150-200 ming so‘mdan sotilmoqda.
3 sotix yerga ekilgan qulupnaylar 3-4 kunda bir terib olinadi. Bir terimda o‘rtacha 24-25 kilo qulupnay terib olib bozorga chiqariladi.
"Yil o‘n ikki oy hosil beradi. Qishda issiqlik bersa, hosil bo‘ladi, issiqlik bermasa bo‘lmaydi. Unaqa baland issiqlik kerak emas. Kitoblarda yozilgan 6 daraja issiqda pishadi. Pomidor va bodringga o‘xshab, 18-20 daraja issiqlik kerak emas. Odamlar kelib olib ketishyapti. To‘yga olishyapti. Sovuq oylarda 4-5 kilo bersa ham, 500-600 ming so‘m daromad bor" - deydi dehqon.
Sovuq kunlarda yetishtirilgan qulupnaydan dehqon yaxshigina daromad olmoqda.
Abduvali Qurbonov,
Tasvirchi Azizbek Ismoilov,
Montaj ustasi Boymirza Xalilov
