19:58 / 04.12.2021
39372
Nazarboyev Qozog‘iston nima uchun Qrimni Rossiyaniki deb tan olmaganiga izoh berdi
Foto: TASS

Qozog‘istonning birinchi prezidenti Nursulton Nazarboyev nima uchun Qrimni Rossiyaniki deb tan olmaganini aytdi.

“Qrimning Rossiyaga qo‘shilishi to‘g‘risida referendum o‘tkazildi. Biz Qrimni Rossiyaniki deb tan olmadik, chunki u holda Janubiy Osetiya, Abxaziya, Kosovoni ham tan olishga to‘g‘ri kelardi”, — dedi u amerikalik rejissyor Oliver Stounga berilgan intervyuga asoslangan “Qazaq. History of The Golden Man” filmida.

Shu bilan birga, Nazarboyev Qozog‘iston o‘shanda Ukrainani ham qo‘llab-quvvatlamaganini aytdi.

“Bularning barchasi Kiyevda sodir bo‘lgan davlat to‘ntarishi sababli yuz berdi. Ukrainani yaxshi ko‘raman, men u yerda o‘qiganman va bo‘lib o‘tayotgan voqealardan xavotirlanaman”, — dedi u.

2014 yil martida Qrimda referendum o‘tkazilib, uning natijalariga ko‘ra yarimorol Rossiyaning hududiy qismiga, Sevastopol esa federal ahamiyatdagi shahriga aylangan. Bu referendum natijalarini Ukraina va xalqaro jamoatchilik tan olmaydi.

Avvalroq Belarus prezidenti Aleksandr Lukashenko Qrim “amalda va yuridik jihatdan Rossiyaga tegishli” ekanini aytgandi.

Top