Sirdaryo viloyatida elektr energiyasidan noqonuniy foydalanish holatlarini aniqlash bo‘yicha o‘tkazilayotgan reyd tadbirlari davomida 2,5 mlrd so‘mdan ortiq zarar yetkazilgani aniqlandi. Bu haqda Sirdaryo HETK Kun.uz'ga ma'lum qildi.
Foto: Sirdaryo HETK
Sirdaryoda 2021 yilning 11 oyi davomida elektr energiyasidan noqonuniy foydalangan 1 ming 899 nafar iste'molchi aniqlangan va ularga nisbatan dalolatnoma tuzilgan.
Elektr energiyasidan noqonuniy foydalanish holatlarini aniqlash bo‘yicha o‘tkazilgan reyd tadbirlari davomida 2 mlrd 513 million 981 ming so‘m miqdorida zarar yetkazilgani aniqlanib, qayta hisob-kitob qilingan.
Noqonuniy ravishda elektr energiyasidan foydalanish aniqlangan hududlar:
- Guliston shahri - 736 ta;
- Sirdaryo tumani - 389 ta;
- Sayxunobod tumani - 221 ta.
Hozirda reyd tadbirlari viloyatning barcha shahar va tumanlarida davom ettirilmoqda.
