15:30 / 30.12.2021
5658
Energetika vazirligi tomonidan Yashnobod tumanida zamonaviy bog‘ barpo etildi

Yangi yil bayrami arafasida O‘zbekiston Respublikasi Prezidentining tashabbusi bilan joriy etilgan “Yashil makon” umummilliy loyihasi doirasida O‘zbekiston Respublikasi Energetika vazirligi tomonidan Toshkent shahrining Yashnobod tumani Alimkent ko‘chasi bo‘yida joylashgan hududda zamonaviy bog‘ barpo etilib, foydalanishga topshirildi.

Foto: Energetika vazirligi matbuot xizmati

Ushbu zamonaviy yashil maskanning umumiy maydoni 1,5 gektar bo‘lib, uning tarkibiga elektron kutubxona, bepul Wi-Fi hududlari bilan jihozlangan ko‘kalamzorlashtirilgan alleya, vorkaut hududi va avtoturargoh kirgan.

Foto: Energetika vazirligi matbuot xizmati

Bog‘ hududi ikkita zamonaviy monitor, 40 ta o‘rindiq, musiqali ovoz kuchaytirgich vositalari bilan jihozlangan. Elektr energiyasidan oqilona foydalanish maqsadida 80 dona quyoshdan quvvatlanuvchi yoritish chiroqlari o‘rnatilgan.

Foto: Energetika vazirligi matbuot xizmati

- Prezidentimizning tashabbuslarini qo‘llab-quvvatlash maqsadida qarovsiz hududda Yashnobod tumani hokimligi bilan kelishilgan holda zamonaviy bog‘ bunyod etishni niyat qilgan edik va mana ko‘rib turganingizdek, qisqa vaqt ichida ushbu shinam maskan bunyod etilib, foydalanishga topshirildi, - deydi Energetika vaziri maslahatchisi - matbuot kotibi E.Bekmurodova.

Foto: Energetika vazirligi matbuot xizmati
Foto: Energetika vazirligi matbuot xizmati
Foto: Energetika vazirligi matbuot xizmati
Foto: Energetika vazirligi matbuot xizmati
Foto: Energetika vazirligi matbuot xizmati
Foto: Energetika vazirligi matbuot xizmati

Energetika vazirligi Matbuot xizmati Ⓣ

Top