18:46 / 07.01.2022
20943
Si Jinping Xitoy Qozog‘istonda “rangli inqilob amalga oshirishga urinayotgan tashqi kuchlar”ga qarshi chiqishini aytdi

XXR raisi Xitoy Qozog‘istonni qo‘llab-quvvatlash va qiyinchiliklarni yengib o‘tishda yordam berish uchun bor imkoniyatlarini ishga solishga tayyorligini bildirdi.

Foto: Li Xiang/Xinhua via AP

Xitoy Qozog‘istonda tartibsizliklar uyushtirish va rangli inqilob amalga oshirishni maqsad qilgan tashqi kuchlarga qat’iyan qarshi chiqadi. Bu haqda XXR raisi Si Jinping Qozog‘iston prezidenti Qosim-Jo‘mart To‘qayevga murojaatida aytdi.

"Xitoy Qozog‘iston barqarorligi va xavfsizligiga tahdid soladigan, rangli inqilobga da’vat qilayotgan har qanday tashqi kuchlarga qat’iyan qarshi", - deya Si Jinpingning so‘zlaridan iqtibos keltiradi Xitoy markaziy televideniyesi.

U o‘z murojaatida Xitoy ikki mamlakat o‘rtasidagi do‘stlik va hamkorlikka raxna solishga qaratilgan har qanday urinishlarga qarshi chiqishini ta’kidladi.

Si Jinpingning so‘zlariga ko‘ra, "ahil qo‘shni va o‘zgarmas strategik hamkor bo‘lgan Xitoy Qozog‘istonni qo‘llab-quvvatlash va qiyinchiliklarni yengib o‘tishda yordam berish uchun bor imkoniyatlarini ishga solishga tayyor".

Avvalroq, O‘zbekiston va Turkiya prezidentlari Qozog‘istonda zo‘ravonlik hamda vaziyat keskinlashuviga yo‘l qo‘ymaslik muhimligini ta’kidlagandi.

Mavzu
Qozog‘istonda gaz namoyishlari
2 yanvar kuni Qozog‘istonning Mang‘istau oblastida suyultirilgan gaz narxi ikki baravarga ko‘tarilganidan norozi bo‘lgan qozog‘istonliklar ommaviy mitingga chiqishdi va keyingi kunlarda namoyishlar butun mamlakat bo‘ylab yoyildi.
Barchasi
Top