14:29 / 10.01.2022
20123
Lukashenko "Qozog‘istondagi kabi bo‘lmasligi uchun" Tojikistonga yordam berish kerakligini aytdi

Avvalroq Qozog‘iston TIV mamlakat xorijda tayyorgarlikdan o‘tgan, yaxshi muvofiqlashtirilgan terrorchi guruhlar tomonidan qurolli tajovuzga uchraganini bildirgandi.

Foto: Sefa Karacan/Anadolu Agency via Getty Images

Belarus prezidenti Aleksandr Lukashenko Qozog‘istondagi voqealar fonida Tojikistonga yordam berishga chaqirdi.

"Tojikiston prezidenti bir necha yildan beri moddiy, birinchi navbatda harbiy texnika bilan qo‘llab-quvvatlashimizni so‘ramoqda. Qozog‘iston bilan bo‘lgani kabi bizga qimmatga tushmasligi uchun hozir yordam berishimiz kerak", - dedi u KXShT rahbarlari onlayn-sammitida.

"Qozog‘istonga qariyb 200ta reysda texnika tashladik. Tojikistonda ham bunday bo‘lishini istamaymiz. Unga hozir yordam bergan ma’qul, bu muammolarni hal qila oladi. Bu boshqa respublikalarga ham tegishli. Xulosa chiqarish kerak", - dedi Belarus prezidenti.

Qozog‘iston TIVning bayonotiga ko‘ra, mamlakat xorijda tayyorgarlikdan o‘tgan, yaxshi muvofiqlashtirilgan terrorchi guruhlar tomonidan qurolli tajovuzga uchragan. Dastlabki ma’lumotlarga qaraganda, hujumlarni amalga oshirganlar orasida islomiy radikal guruhlar tarkibida «qaynoq nuqta»larda jang tajribasini orttirgan shaxslar mavjud.  

Qozog‘iston Kollektiv Xavfsizlik Shartnomasi Tashkilotidan (KXShT) yordam so‘radi va vaziyatni barqarorlashtirish uchun 2500 nafarga yaqin tinchlikparvar kuchlar yuborildi. Ularning vazifasi strategik obektlarni qo‘riqlash va Qozog‘iston huquq-tartibot kuchlarini himoya qilishni o‘z ichiga oladi.

Mavzu
Qozog‘istonda gaz namoyishlari
2 yanvar kuni Qozog‘istonning Mang‘istau oblastida suyultirilgan gaz narxi ikki baravarga ko‘tarilganidan norozi bo‘lgan qozog‘istonliklar ommaviy mitingga chiqishdi va keyingi kunlarda namoyishlar butun mamlakat bo‘ylab yoyildi.
Barchasi
Top