Hududlarning doimiy aholisi soni ma’lum qilindi. Davlat statistika qo‘mitasi tegishli xabar bilan chiqdi.
Foto: Kun.uz
Qo‘mita ma’lumotlariga ko‘ra, 2022 yilning 1 yanvar holatiga ko‘ra, respublika hududlarining doimiy aholisi soni bo‘yicha Samarqand viloyati yetakchilik qilmoqda – 4 031 299 kishi.
Shuningdek, keyingi o‘rinlardan 3 896 393 kishi istiqomat qiluvchi Farg‘ona viloyati va 3 408 313 kishi yashovchi Qashqadaryo viloyati joy olgan.
Doimiy aholi soni bo‘yicha ko‘rsatkich qolgan hududlarda quyidagicha ko‘rinish oldi:
- Andijon viloyati – 3 253 501 kishi;
- Toshkent viloyati – 2 941 620 kishi;
- Namangan viloyati – 2 931 066 kishi;
- Toshkent shahri – 2 860 511 kishi;
- Surxondaryo viloyati – 2 743 196 kishi;
- Buxoro viloyati – 1 976 866 kishi;
- Qoraqalpog‘iston R. – 1 948 496 kishi;
- Xorazm viloyati – 1 924 167 kishi;
- Jizzax viloyati – 1 443 380 kishi;
- Navoiy viloyati – 1 033 869 kishi;
- Sirdaryo viloyati – 878 599 kishi.
Avvalroq, 2021 yilda O‘zbekistonda aholi soni har kuni qariyb 2 ming kishiga oshgani xabar berilgandi.
Mamlakat aholisi 2021 yil davomida har oyda o‘rtacha 59,4 ming kishiga ko‘paygan. 2021 yilning har bir kunida doimiy aholi soni o‘rtacha 1,9 ming kishiga oshgan.
