Samarqand shahrining Qorasuv massivida 50 gektar yerda Yangi O‘zbekiston bog‘i barpo etilmoqda. Bu haqda viloyat Ekologiya va atrof-muhitni muhofaza qilish boshqarmasi axborot xizmati xabar berdi.
Ma’lum qilinishicha, Samarqand shahar Ekologiya va atrof-muhitni muhofaza qilish bo‘yicha nazorat inspeksiyasi tomonidan shaharning Qorasuv massivida barpo etilayotgan ''Yangi O‘zbekiston bog‘i''da olib borilayotgan ishlar o‘rganib chiqilgan.
O‘rganish davomida aniqlanishicha, ''Agromir Bulding'' MChJ tomonidan yangi barpo qilinayotgan bog‘da o‘tqazish uchun Turkiya davlatidan 8000 tup har xil turdagi manzarali daraxtlar olib kelingan.
Bog‘dagi daraxtlarni sug‘orish tizimi bo‘yicha 4 ta yer osti qudug‘i qazilgan. Shuningdek, yangi ekilayotgan daraxtlarni parvarishlash uchun Turkiya davlatidan bog‘bonlar guruhi ham jalb qilingan.
Qayd etilishicha, hozirda tasdiqlangan loyiha hujjatlari asosida ishlar davom ettirilmoqda.
