12:34 / 28.01.2022
13524
Dam olish kunlari yomg‘irli ob-havo kutilmoqda - «O‘zgidromet»
Foto: KUN.UZ

Bugun O‘zbekistonga Eron hududlaridan nam va salqin havo massalari kirib kelishi kutilmoqda. Respublika bo‘yicha ba’zi joylarda yomg‘ir yog‘adi, shimolda qorga aylanadi, faqat Farg‘ona vodiysi viloyatlarida yog‘ingarchilik kutilmaydi. Havo harorati 7-12 daraja iliq atrofida bo‘ladi.

“O‘zgidromet” xabariga ko‘ra, ertaga kirib kelish fronti sharqqa siljiydi. Qoraqalpog‘istonda, Xorazm, Buxoro viloyatlarida yog‘ingarchilik to‘xtaydi, faqat respublikaning janubiy va markaziy tumanlarida kechasi va ertalab ob-havoning beqarorligi saqlanib turadi. Farg‘ona vodiysi viloyatlarida kun davomida yomg‘ir yog‘ishi kutilmoqda. Kunduz kungi havo harorati 3-8 daraja iliqqacha pasayishi kutilmoqda.

28-29 yanvarda salqin havo massalarining kirib kelishida respublika bo‘yicha shamol tezligi 17-22 m/s gacha kuchayishi kutilmoqda, 28 yanvarda Buxoro, Navoiy, Qashqadaryo, Jizzax viloyatlarida 25-28 m/s gacha, 29 yanvarda Surxondaryo, Farg‘ona, Namangan, Andijon viloyatlarida 17-22 m/s gacha kuchayishi mumkin.

Yakshanba kuni respublika bo‘yicha quruq va salqin ob-havo bo‘lishi kutilmoqda. Kechasi va ertalab ba’zi joylarga tuman tushadi. Havo harorati kechasi 3 daraja sovuq-2 daraja iliq, kunduzi 3-8 daraja iliq atrofida bo‘ladi.

Tog‘ oldi va tog‘li hududlarda 28-29 yanvarda yog‘ingarchilik bo‘ladi, ba’zi joylarda kuchli bo‘lishi mumkin, 30 yanvarda yog‘ingarchilik kutilmaydi. 28-31 yanvarda respublikaning tog‘li hududlarida qor ko‘chishi xavfi bor. 

Mavzuga oid
Top