Yashnobod tumani Farg‘ona yo‘li ko‘chasida noma’lum shaxs 11 yoshli Bobur X.ning ishonchiga kirib, 2.000.000 so‘mlik telefonini qo‘ng‘iroq qilish uchun olib, Boburning chalg‘iganidan foydalanib, voqea joyini tark etgan. Bu haqda Toshkent shahar IIBB axborot xizmati xabar bermoqda.
Qayd etilishicha, gumonlanuvchi – muqaddam Toshkent viloyati O‘rtachirchiq tumanilik 24 yoshli Bobur M. ekanligi ma’lum bo‘lgan. Maxsus tadbirlar davomida gumonlanuvchi ashyoviy dalillar bilan qo‘lga olingan.
Mazkur fakt asosida Jinoyat kodeksining 168-moddasi («Firibgarlik») bo‘yicha jinoyat ishi qo‘zg‘atildi.
