15:06 / 03.02.2022
22269

Yana 2ta quyosh fotoelektr stansiyasini qurish reja qilinmoqda

Foto: Energetika vazirligi matbuot xizmati

«Sirdaryo IES» AJda quvvati 1200-1500 kVt va «Farg‘ona IEM» AJda quvvati 1800-2000 kVt bo‘lgan quyosh fotoelektr stansiyalarini qurish bo‘yicha loyiha ishlari olib borilmoqda. Bu haqda Energetika vazirligi matbuot xizmati xabar berdi.

«Issiqlik elektr stansiyalari» AJ Texnik boshqarma boshlig‘i Oybek Zohidovning ta’kidlashicha, tizimda energiya samaradorligiga erishish, yoqilg‘i-energiya resurslarini tejash va qayta tiklanuvchi energiya manbalarini rivojlantirish orqali mahsulot tannarxini yanada pasaytirishga erishish ushbu loyihalardan ko‘zlangan asosiy maqsad hisoblanadi.

Loyihada tender hujjatlarini ishlab chiqib, tayyor holda amalga oshirishda ishtirok etishni istovchilar uchun «Sirdaryo IES» AJda sdtes.uz va «Farg‘ona IEM» AJda fiem.uz rasmiy veb-saytlarida e’lonlar berildi.

Avvalroq, 2023 yilning yakuniga qadar Surxondaryo, Jizzax, Samarqand va Navoiy viloyatlarida quyosh fotoelektr stansiyalari ishga tushirilishi ma’lum qilingandi.

Shuningdek, 2025-2026 yillarda respublika bo‘ylab jami quvvati 1 800 MVt bo‘lgan quyosh fotoelektr stansiyalari ishga tushirilishi reja qilingan.

Mavzuga oid
Top