Foto: twitter
Ukraina poytaxti Kiyevda metro yo‘lovchi tashishni to‘xtatdi. Bu haqda shahar meri Vitaliy Klichko o‘zining Telegram-kanalida ma’lum qildi.
«Metro to‘liq bombapana rejimiga o‘tdi, yo‘lovchi tashish faoliyati to‘xtatildi», deb yozdi Klichko kanalida.
Kiyev aholisi uch kundan buyon havo hujumidan ogohlantiruvchi sirenalar chalingach, bombapanalarga kirib ketmoqda. Poytaxt metrosida minglab odamlar tunab qolib, jon saqlayapti. Hatto metroda jon saqlayotgan ayolning ko‘zi yoridi. Xarkovda ham odamlar metro va yerosti o‘tish yo‘llaridan bombapana sifatida foydalanishmoqda.
