17:49 / 06.03.2022
1145
Nukusda ag‘darilgan Land Cruiser hukumatga tegishli emasligi ma’lum bo‘ldi

Bir qancha vaqt oldin Nukusdagi Telemarkaz mahallasida Toyota Land Cruiser 200 rusumli mashina yo‘ldan chiqib ketgani haqida xabar berilgandi. Bu ma’lumot dastlab mahalliy nashrlar tomonidan tarqatilgan.

Vazirlar Kengashining matbuot kotibi Azamat Ajimuratovning Kun.uz muxbiriga ma’lum qilishicha, avtohalokatga uchragan 95 120 QAA davlat raqamiga ega mashina Qoraqalpog‘iston Respublikasi Jo‘qorg‘i Kengesi va Vazirlar Kengashiga tegishli emas.

Vaziyatga oydinlik kiritish uchun Kun.uz muxbiri Qoraqalpog‘iston YHXB bilan bog‘landi. Boshqarma matbuot kotibi Salavat Qallibekovning ma’lum qilishicha, avtohalokatga uchragan 95 120 QAA davlat raqamiga ega mashina «Zarubejneftegaz-GPD sentralnaya aziya» kompaniyasiga tegishli.

Mavzuga oid
Top