09:21 / 09.03.2022
491
Samarqandda boshqaruvni yo‘qotgan mashina jarlikka qulab tushdi

Ijtimoiy tarmoqlarda Samarqand viloyati Payariq tumanida boshqaruvni yo‘qotgan mashina jarlikka qulab tushgani haqida xabar tarqaldi. Viloyat IIB YHXB hodisa yuzasidan munosabat bildirdi.

Foto: IIB YHXB

Ma’lum qilinishicha, 2022 yil 17 fevral kuni soat 15:30larda 1994 yilda tug‘ilgan X.R. o‘ziga tegishli Lacetti mashinasi bilan 4R-46 yo‘lining Past Darg‘om tumanidan o‘tuvchi 16-kilometrida kelayotgan vaqtda, old tomonida ketayotgan mashinani noto‘g‘ri quvib o‘tishga uringan.

Oqibatda u boshqaruvni yo‘qotgan va mashina yo‘lning o‘ng tomonidagi ariqqa tushib ketib YTH sodir qilgan.

Qayd etilishicha, mashinada haydovchining o‘zi bo‘lgan va u yengil jarohat olgan. Unga tibbiy yordam ko‘rsatilgan. Hozirda hodisa yuzasidan Past Darg‘om tuman IIB YHXB xodimlari tomonidan surishtiruv ishlari olib borilmoqda.

Mavzuga oid
Top