16:39 / 11.03.2022
13453
O‘zbekiston razvedkachilari Pokistonda o‘tkazilgan xalqaro musobaqa g‘olibi bo‘ldi

O‘zbekiston Mudofaa vazirligi terma jamoasi Pokistonda bo‘lib o‘tgan V xalqaro «Jamoa ruhi» musobaqasida qatnashib, faxrli 1-o‘rinni qo‘lga kiritdi.

Foto: O‘zbekiston Mudofaa vazirligi

Musobaqa Pokiston Islom Respublikasi Qurolli Kuchlariga qarashli 22 armiya korpusi Terrorizmga qarshi kurashish milliy o‘quv markazi bazasida o‘tkazilgan.

Foto: O‘zbekiston Mudofaa vazirligi

Unda 9 ta davlatdan Marokash, Iordaniya, Keniya, Saudiya Arabistoni, Turkiya, Shri-Lanka, Nepal va O‘zbekiston Respublikasi, shuningdek, Pokiston Islom Respublikasidan 8 ta razvedka guruhlari, jami 16 ta razvedka jamoalari o‘zaro bellashishdi. Bu haqda Mudofaa vazirligi Axborot va ommaviy kommunikatsiyalar departamenti Kun.uz'ga ma’lum qildi.

Foto: O‘zbekiston Mudofaa vazirligi

Musobaqa shartlariga ko‘ra, jamoalar 80 km gacha bo‘lgan marshrutning 6 ta nazorat nuqtasida azimut bo‘yicha harakatlanib, nazorat nuqtalarida taktik-maxsus, otish, tibbiy, aloqa, muhandislik tayyorgarligi, ommaviy qirg‘in qurollardan himoya va harbiy topografiyadan turli maxsus mashqlarni, shuningdek, kutilmagan testlarni yechish mashqini bajardi.

Foto: O‘zbekiston Mudofaa vazirligi
Foto: O‘zbekiston Mudofaa vazirligi

Musobaqa yakunlari bo‘yicha:

1-o‘rin – O‘zbekiston Respublikasi jamoasi (2 850 ball);

2-o‘rin – Marokash jamoasi (1 860 ball);

3-o‘rin – Shri-Lanka (2 010 ball) va Saudiya Arabistoni (1 900 ball) jamoalariga nasib qildi. Shri-Lanka va Saudiya Arabistoni jamoalarida jarima ballari mavjudligi sababli 3-o‘ringa tushirilgan. 

Foto: O‘zbekiston Mudofaa vazirligi
Mavzuga oid
Top