13:33 / 01.04.2022
12964
Abdulla Aripov Qirg‘izistonga tashrif buyurdi

O‘zbekiston bosh vaziri Abdulla Aripov amaliy tashrif bilan Qirg‘iziston Respublikasiga bordi. Bu haqda Qirg‘iziston vazirlar mahkamasi xabar qilmoqda.

Foto: gov.kg

Qayd etilishicha, O‘sh xalqaro aeroportida yuqori martabali mehmon - O‘zbekiston bosh vaziri Abdulla Aripovni Qirg‘iziston vazirlar mahkamasi raisi Oqilbek Japarov kutib oldi.

Bugun ikki davlat hukumat rahbarlari ikki tomonlama uchrashuv o‘tkazadi, shuningdek, Qirg‘iziston prezidentining chegaradosh viloyatlardagi vakolatli vakillari hamda O‘zbekistonning chegaradosh viloyatlari hokimlari kengashining to‘rtinchi yig‘ilishida ishtirok etadi.

Bundan tashqari, Abdulla Aripov va Oqilbek Japarov video-konferens-aloqa orqali Botken viloyatining Laylak tumanida joylashgan Marg‘um qishlog‘idagi umumta’lim maktabining ochilish marosimida ishtirok etadi. 

Top