07:25 / 12.04.2022
13345
Qibrayda poyga uyushtirgan avtobus haydovchisi YTH keltirib chiqardi

Toshkent viloyatining Qibray tumanida «Isuzu» va «Lasetti» o‘rtasida to‘qnashuv sodir bo‘ldi. Bu haqda «Toshshahartransxizmat» AJ axborot xizmati xabar bermoqda.

Joriy yilning 11 aprel kuni soat 14:30 lar atrofida «2-avtobus saroyi» filiali haydovchisi X.U. «Isuzu» rusumli avtobusni 199-yo‘nalishda Qibray tumani, Alisher Navoiy ko‘chasi bo‘ylab boshqarib borayotib, «Makro» do‘koni qarshisida «Lasetti» rusumli yengil avtomobil bilan to‘qnashuv sodir qilgan

To‘qnashuv natijasida jarohat olganlar yo‘q. Yo‘l-transport hodisasi Yo‘l harakati xavfsizligi boshqarmasi xodimlari tomonidan rasmiylashtirilgan.

YTH yuzasidan xizmat surishtiruvi o‘tkazilganda, haydovchi X.U. «2-Avtobus saroyi» filiali haydovchisi A.F. boshqaruvidagi «Isuzu» rusumli 198-sonli avtobus yo‘nalishi bilan o‘zaro poyga o‘ynagani aniqlandi.

Yo‘lovchilar va boshqa yo‘l harakati ishtirokchilari hayotini xavf ostiga qo‘ygani hamda yo‘l harakati qoidalariga rioya etmagani natijasida YTH sodir etgani uchun har ikki haydovchi bilan filial o‘rtasida tuzilgan mehnat shartnomalari bekor qilingan.

Qayd etilishicha, avtobusga yetkazilgan zarar aybdor haydovchi tomonidan o‘rnatilgan tartibda undiriladi.

Top