20:44 / 18.04.2022
21551
EPAM Systems kompaniyasi Rossiya va Belarusdagi yuzlab xodimlarini O‘zbekistonga ko‘chirdi

Ma’lumotlarga ko‘ra, O‘zbekistonda 2019 yilda EPAM kompaniyasining filiali ochilgan, 2021 yil o‘rtalarida bu yerda 150 nafarga yaqin mutaxassis ishlagan.

Foto Vasily Fedosenko / Reuters

Dasturiy ta’minot ishlab chiqish bilan shug‘ullanuvchi EPAM Systems kompaniyasi Belarus va Rossiyadagi xodimlarini O‘zbekistonga ko‘chirdi, deb xabar berdi Forbes

Nashr suhbatdoshlarining so‘zlariga ko‘ra, gap bir necha yuz kishi haqida bormoqda.

«Bizning O‘zbekiston uchun ochilgan chatimizda 600ga yaqin odam bor, demak, mingga yaqin xodim ko‘chib kelgan», — degan kompaniya xodimlaridan biri.

Ma’lumotlarga ko‘ra, O‘zbekistonda 2019 yilda EPAM kompaniyasining filiali ochilgan, 2021 yil o‘rtalarida bu yerda 150 nafarga yaqin mutaxassis ishlagan.

EPAM O‘zbekistondagi IT-park rezidenti ham hisoblanadi.

EPAM Systems 1993 yilda AQShda belaruslik tadbirkorlar Arkadiy Dobkin va Leonid Lozner tomonidan tashkil etilgan. Kompaniya bosh qarorgohi Qo‘shma Shtatlarda joylashgan bo‘lib, EPAM 40dan ortiq mamlakatda faoliyat ko‘rsatadi. 

Top