07:43 / 06.05.2022
3051
Toshkent - Andijon - Toshkent yo‘nalishida poyezdlar harakati yana bir kunga to‘xtatildi
Foto: Kun.uz

60/59-sonli yo‘lovchi poyezdi reyslari vaqtincha to‘xtatildi. Bu haqda «O‘zbekiston temir yo‘llari» xabar qildi.

2022 yil 6 may kuni Toshkent - Andijon - Toshkent yo‘nalishida harakatlanadigan 60/59-sonli yo‘lovchi poyezdi harakati vaqtincha, ya’ni bir kunga to‘xtatiladi. 

Bunda, Farg‘ona vodiysida kuzatilayotgan noqulay ob-havo sharoiti va tog‘li hududlarda kuchli yog‘ingarchilik kuzatilgani, poyezdlar harakat xavfsizligi hamda yo‘lovchilarning xavfsizligini ta’minlash maqsad qilingan.

Yo‘lovchilarga xarid qilingan chiptalari 100 foiz miqdorda qaytarib beriladi.

Shuningdek, vodiy viloyatlarida harakatlanadigan elektropoyezdlar harakat jadvaliga ham o‘zgartirish kiritiladi.

Bundan oldin 5 may kuni ham Toshkent - Andijon - Toshkent yo‘nalishida amalga oshirilishi rejalashtirilgan poyezd qatnovi bekor qilingandi.

Mavzuga oid
Top