15:19 / 10.05.2022
4248
Kuvayt amiri bosh vazir va vazirlar mahkamasi iste’fosini qabul qildi

Saboh Xolid al-Hamad as-Saboh 2019 yil dekabrda bosh vazir lavozimida ish boshlagandi.

Foto: Reuters

Kuvayt amiri Navof al-Ahmad al-Jobir as-Saboh mamlakat bosh vaziri va vazirlar mahkamasining iste’fo berish to‘g‘risidagi arizasini qanoatlantirdi. Bu haqda KUNA agentligi xabar berdi.

"Kuvayt amiri bosh vazir va hukumat tarkibiga kiruvchi vazirlar iste’fosini qabul qilish bo‘yicha farmoyish berdi", - deyiladi xabarda.

Qayd etilishicha, amir iste’foga chiqqan bosh vazir va vazirlarga "mavjud holatda ishlarni favqulodda boshqarish" majburiyatini yuklagan.

Saboh Xolid al-Hamad as-Sabohning iste’foga chiqish sababi ma’lum qilinmagan. U 2019 yil dekabrda bosh vazir lavozimida ish boshlagandi.

Mavzuga oid
Top