16:37 / 13.05.2022
16056
Zelenskiy Putin bilan uchrashishga tayyorligini aytdi

Vladimir Zelenskiy Rossiya prezidenti bilan vositachilarsiz, ultimatumlarsiz muloqot qilmoqchiligini ta’kidladi. 

Foto: DPA

Ukraina Rossiya bilan muzokaralarda Rossiya kuchlarining 24 fevralgacha bo‘lgan joylariga qaytishlarini muhokama qiladi, dedi Ukraina prezidenti Vladimir Zelenskiy.

Zelenskiy Italiyaning Rai 1 telekanaliga bergan intervyusida Rossiya prezidenti Vladimir Putin bilan uchrashishga tayyorligini ham aytdi.

«Men Putin bilan vositachilarsiz gaplashishga tayyorman. Faqat u bilan, lekin vositachilarsiz va ultimatumlar bilan emas, muloqot shaklida. Har bir urushdan keyin tinchlik kelishini tushunamiz va agar urushni muloqot bilan tugatish imkoniyati bo‘lsa, bu imkoniyatdan foydalanish kerak», — dedi u.

Shu bilan birga, Ukraina prezidenti Rossiya bilan muloqot qilish bosqichi o‘tib ketganini ta’kidladi. Uning fikricha, vaziyatni barqarorlashtirish uchun tomonlarga pragmatik muzokaralar zarur.

Mavzu
Ukraina inqirozi
2021 yil davomida Rossiya Ukraina bilan chegarada qo‘shin to‘pladi. So‘nggi vaqtlarda mintaqada vaziyat keskinlashmoqda.
Barchasi
Top