Yengil avtomobillar ishlab chiqarish hajmi 30 mingtaga oshgan. Bu haqda Davlat statistika qo‘mitasi ma’lumot berdi.
Foto: Davlat statistika qo‘mitasi
Qo‘mita xabariga ko‘ra, 2022 yilning yanvar-aprel oylarida O‘zbekistonda 95 023 ta yengil avtomobillar ishlab chiqarilgan.
Ishlab chiqarilgan yengil avtomobillar soni o‘tgan yilning mos davriga nisbatan 30 036 taga oshgan.
2022 yilning yanvar-aprel oylarida ayrim turdagi sanoat mahsulotlarini ishlab chiqarish hajmi quyidagicha:
- avtomobil benzini – 382,3 ming tonna;
- ko‘mir – 1,6 mln. tonna;
- neft – 248 ming tonna;
- gaz kondensati – 459 ming tonna;
- yengil avtomobil – 95 023 dona;
- avtobus – 247 dona;
- yuk avtomobillari – 1188 dona;
- avtomobil dvigatellari – 71,1 ming dona.
Qayd etilishicha, aprel oyida eng ko‘p “Cobalt” avtomobili ishlab chiqarilgan.
Statistika qo‘mitasi ma’lumotlariga ko‘ra, avtomobil ishlab chiqarish sanoatida 2022 yilning aprel oyida ishlab chiqarilgan yengil avtomobillar soni quyidagicha:
- “Cobalt” - 9 498 dona;
- “Lacetti-Gentra” - 6 866 dona;
- “Damas” - 6 205 dona;
- “Spark” - 1 526 dona;
- “Nexia T-250” - 623 dona;
- maxsus yengil avtomobillar - 1 320 dona.
Bundan oldin “inomarka”lar importi ikki baravarga oshgani xabar qilingandi.
