Buxoro cho‘llari qa’riga 200 km yurib, qum barxanlari oralab kirib borsangiz, Turkmaniston bilan chegarada jazirama issiqda ishlayotgan insonlarni ko‘rasiz.
Ba’zan 65°C issiq sharoitda ham ishlaydigan bu hamyurtlarimiz – “O‘zbekneftgaz”ning “O‘zneftgazburg‘ilash ishlari” korxonasi xodimlari.
“Manzil” loyihasi salkam 2,5 ming metr chuqurlikdan gaz qazish ishlarini olib borayotgan ishchilar hayoti bilan tanishdi.
Quduq joylashgan hudud Turkmaniston bilan chegara yaqinida, Amudaryo bo‘yida joylashgan. Atrof chegarachilar tomonidan nazorat qilinadi.
Cho‘l o‘rtasidagi hayot, zaharli ilonlar va chayonlar, noqulay ob-havo sharoiti, og‘ir texnikalarda bajarilayotgan ishlar – bunday muhitda ishlash qanday bo‘lishini burg‘ilovchilarning o‘zlaridan tingladik.
