Avvalroq Rossiya prezidenti Vladimir Putin Rossiya yaqin oylar ichida Belarusga "Iskander-M" majmualarini yetkazib berishini ma’lum qilgandi.
"Yettilik guruhi" (G7) yetakchilari Rossiyaning Belarusga yadroviy zaryad tashuvchi raketalarni berishi haqidagi bayonoti yuzasidan "jiddiy tashvish" bildirdi.
"Yettilik" davlat va hukumat rahbarlari Rossiyaning Ukrainaga nisbatan harakatlarini yana bir bor qoraladi.
Siyosatchilar Moskvani urushga barham berish, barcha harbiy harakatlarni zudlik bilan to‘xtatish hamda Ukraina hududidagi qo‘shinlari va harbiy texnikalarini olib chiqib ketishga chaqirdi.
Shuningdek, "Yettilik guruhi" Rossiyaning yadroviy qurol borasidagi iddaolari o‘zini oqlamasligini bildirdi va har qanday kimyoviy, biologik va yadroviy quroldan foydalanish jiddiy oqibatlarga olib kelishidan ogohlantirdi.
"Biz Rossiyaning Belarusga yadroviy salohiyatga ega raketalarni berishi mumkinligi to‘g‘risidagi bayonotidan so‘ng jiddiy tashvish bildiramiz", - deyiladi G7 rahbarlari bayonotida.
Avvalroq Rossiya prezidenti Vladimir Putin Sankt-Peterburgda belaruslik hamkasbi Aleksandr Lukashenko bilan uchrashuvi davomida Rossiya yaqin oylar ichida Belarusga "Iskander-M" majmualari yetkazib berishini ma’lum qilgandi.
"Iskander-M" taktik-raketa majmualari ballistik va qanotli raketalarni tashiy oladi – ular oddiy yoki yadroviy raketalar bo‘lishi mumkin.
