Toshkent viloyatida avtomobil gaz balloni bilan bog‘liq sodir bo‘lishi mumkin bo‘lgan 370 dan ortiq ko‘ngilsiz holat oldi olindi.
Foto: Toshkent viloyati IIB YHXB matbuot xizmati
Viloyat hududida o‘tgan 7 oy mobaynida xizmat davomida transport vositalari 371 tasida o‘rnatilgan gaz ballonlarda bir qator kamchiliklar aniqlandi.
Toshkent viloyati IIBB YHXB xabariga ko‘ra, bunda o‘rnatilgan gaz ballonlari talabga javob bermasligi, tegishli ruxsat olmay o‘rnatib olingani, Vazirlar Mahkamasi qarori talablari asosida o‘rnatilmagani aniqlandi.
Holatlar yuzasidan haydovchilarga nisbatan ma’muriy bayonnoma rasmiylashtirildi va avtoulovlar vaqtinchalik jarima maydoniga qo‘yildi.
Avtoulovlarni jarima maydonidan chiqarish vaqtida noqonuniy gaz ballonlari avtomobildan olingan.
