Toshkent shahrining Olmazor tumanida voyaga yetmagan velosipedchi ishtirokida yo‘l-transport hodisasi sodir bo‘ldi.
Toshkent shahar IIBB YHXB xabariga ko‘ra, Olmazor tumani Farobiy ko‘chasi “Lag‘mon-Xaus” binosi qarshisida soat 17:00 larda haydovchi, 1995 yilda tug‘ilgan X.Y. “Spark” rusumli avtomashinasini boshqarib ketayotgan bo‘lgan.
Qayd etilishicha, u velosipedchi, voyaga yetmagan, 2013 yilda tug‘ilgan U.M.ni urib yuborgan. 2013 yilda tug‘ilgan U.M. tibbiyot muassasalariga murojaat qilmagan.
Holat yuzasidan Toshkent shahar IIBB YHXB tomonidan surishtiruv olib borilmoqda.