15:21 / 23.08.2022
4410
«Buyuk ipak yo‘li» metro bekatiga issiqlik quvurlaridan suv sizib chiqdi

Ayni kunlarda «Toshissiqquvvati» DUK tomonidan kuz-qish mavsumiga tayyorgarlik ishlari olib borilmoqda. 

Videodan kadr

«Buyuk ipak yo‘li» metro bekati yuqori qismidan o‘tgan issiqlik quvurlariga sinov tariqasida suv yuborilgan.

«Toshkent metropoliteni» DUK xabariga ko‘ra, buning oqibatida diametri 400 millimetrlik bo‘lgan quvur ishdan chiqib, «Buyuk ipak yo‘li» bekatiga suv sizib o‘tgan.

Ayni vaqtda quvurlarda suv to‘xtatilgan va mas’ul xodimlar tomonidan ta’mirlash ishlari olib borilmoqda.

Qayd etilishicha, poyezdlar doimiy jadval asosida harakatlanmoqda.

Top