Xabar qilinishicha, eng oxirgi gaz haydash agregatida shikastlanishlar aniqlangan.
Foto: DW
«Shimoliy oqim» quvuri orqali gaz berish noma’lum muddatga butunlay to‘xtatildi, deb xabar berdi Lenta.ru.
Xabarga ko‘ra, eng oxirgi gaz haydash agregatida shikastlanishlar aniqlangan.
Rostexnadzor aniqlangan nosozlik va shikastlanishlar gaz turbina dvigatelidan xavfsiz foydalanishga imkon bermasligi haqida ogohlantirgan. Siemens Energy AG prezidenti va ijrochi direktori Kristian Bruxga nosozliklar to‘g‘risidagi ma’lumot yetkazilgan.
«Nosozliklar bartaraf etilmaguniga qadar "Shimoliy oqim" orqali gaz yetkazish to‘liq to‘xtatildi», — deyiladi «Gazprom» xabarida.
31 avgust kuni «Shimoliy oqim» orqali gaz yetkazish rejalashtirilgan ishlar olib borilishi munosabati bilan uch kunga to‘liq to‘xtatilgandi.
