Ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirildi.
IIV Ma’naviy-ma’rifiy ishlar va kadrlar bilan ta’minlash departamenti xabariga ko‘ra, IIV akademiyasi magistratura bitiruvchisi (1-daraja) podpolkovnik G‘ulom Eshimbetov Qoraqalpog‘iston ichki ishlar vaziri o‘rinbosari – Ma’naviy-ma’rifiy ishlar va kadrlar bilan ta’minlash xizmati boshlig‘i lavozimiga tayinlandi.
IIV akademiyasi magistratura bitiruvchisi (1-daraja) podpolkovnik Qahramon Shermatov Sirdaryo viloyati IIB boshlig‘i o‘rinbosari – Ma’naviy – ma’rifiy ishlar va kadrlar bilan ta’minlash xizmati boshlig‘i lavozimiga tayinlandi.
Podpolkovnik Sherzod Shodiyev Surxondaryo viloyati IIB boshlig‘i o‘rinbosari – Ma’naviy–ma’rifiy va kadrlar bilan ta’minlash xizmati boshlig‘i lavozimiga tayinlandi. Tayinlovga qadar Sh.Shodiyev Surxondaryo viloyati IIB boshlig‘i o‘rinbosari – Xavfsiz turizmni ta’minlash boshqarmasi boshlig‘i lavozimida xizmat qilgan.
Podpolkovnik Bahrom Xidirov Surxondaryo viloyati IIB boshlig‘i o‘rinbosari – Xavfsiz turizmni ta’minlash boshqarmasi boshlig‘i lavozimiga tayinlandi. Tayinlovga qadar B.Xidirov Surxondaryo viloyati IIB boshlig‘i o‘rinbosari – Jamoat xavfsizligi xizmati boshlig‘i lavozimida xizmat qilgan.
IIV akademiyasi magistratura bitiruvchisi (1-daraja) podpolkovnik Murod Boltayev Surxondaryo viloyati IIB boshlig‘i o‘rinbosari – Jamoat xavfsizligi xizmati boshlig‘i lavozimiga tayinlandi.
IIV akademiyasi magistratura bitiruvchisi (1-daraja) podpolkovnik Akbar Yusupov Farg‘ona viloyati IIB boshlig‘i o‘rinbosari – Ma’naviy-ma’rifiy ishlar va kadrlar bilan ta’minlash xizmati boshlig‘i lavozimiga tayinlandi.
