Komissiya tashabbusi bilan yaqinlari bag‘riga qaytarilgan ayblanuvchilar soni 107 nafarga yetgan.
Oliy Majlisning Inson huquqlari bo‘yicha vakili Feruza Eshmatova rahbarligidagi Qoraqalpog‘iston Respublikasida yuz bergan holat va voqealarni o‘rganish hamda ular yuzasidan mustaqil tekshiruv o‘tkazish bo‘yicha komissiya a’zolari taklifi va Qoraqalpog‘iston Respublikasi Jo‘qorg‘i Kengesi iltimosnomasiga ko‘ra, Bosh prokuratura tomonidan 2022 yilning 1 noyabr kuni yana 35 nafar ayblanuvchi jamoat kafilligi asosida o‘z oilasiga qaytarilgan.
Ma’lum qilinishicha, komissiya tomonidan namoyishlarda ishtirok etganlikda gumon qilinib, olib ketilgan shaxslarning oila a’zolari murojaatlarini o‘rganish davomida ushbu fuqarolarning sodir etgan jinoyatidan pushaymonligi va ijtimoiy sharoiti inobatga olingan.
Eslatib o‘tamiz, joriy yil 30 avgust kuni 34 nafar, 13-14 oktabr kunlari 38 nafar ayblanuvchi oilasi bag‘riga qaytarilgan edi.
Hozirga qadar komissiya tashabbusi bilan yaqinlari bag‘riga qaytarilgan ayblanuvchilar soni 107 nafarga yetgan.