Transport vositasi haydovchisi qator hollarda foydalanish uchun transport vositasini berishga majburdir. Bu haqda “Huquqiy axborot” kanali yozmoqda.
Qayd etilishicha, ular quyidagicha holatlardan iborat:
IIO, Milliy gvardiya, Davlat xavfsizlik xizmati va Prezident davlat xavfsizlik xizmati organlari xodimlariga qonunchilik hujjatlarida belgilangan hollarda kechiktirib bo‘lmaydigan xizmat vazifalarini bajarish uchun;
mazkur xodimlar yo‘l-transport hodisasi tufayli shikastlangan yoki nosoz transport vositalarini shatakka olish uchun (faqat yuk avtomobilidan);
kechiktirib bo‘lmaydigan tibbiy yordam ko‘rsatishga ketayotgan tibbiyot xodimlariga hamda zudlik bilan tibbiy yordamga muhtoj bo‘lgan fuqarolarni davolash-profilaktika muassasasiga olib borishga.
Bunda, transport vositasidan foydalangan shaxs haydovchi talab qilganda yo‘l varaqasiga yurilgan vaqtni, bosib o‘tilgan masofani, o‘z ismi-familiyasi, mansabi, ish joyi nomini, yo‘l varaqasi bo‘lmagan taqdirda, belgilangan tartibda ma’lumot yoki xabar yozib berishi kerak.