«O‘zgidromet» shoshilinch axborot e’lon qildi – yangi hafta boshida Toshkent, Qashqadaryo va Namangan viloyatlarining tog‘oldi va tog‘li hududlarida yomg‘ir yog‘ib, qorga aylanishi mumkin, ayrim tumanlarda kuchli yog‘ingarchiliklar kuzatiladi. Ba’zi joylarda shamol 25–28 m/s.gacha kuchayishi kutilmoqda.
Foto: O‘zgidromet
«O‘zgidromet» markazi 14–16 noyabr kunlari respublikaning uchta viloyatida kuchli yog‘ingarchiliklar kuzatilishidan ogohlantirdi.
Qayd etilishicha, respublika bo‘yicha, xususan, shimol hududida 13–15 noyabr kunlari joylarda shamol 17–22 m/s.gacha, Qoraqalpog‘iston, Navoiy, Jizzax viloyatlarining ayrim joylarida 25–28 m/s.gacha kuchayishi kutilmoqda.
14–16 noyabr kunlari Toshkent, Qashqadaryo, Namangan viloyatlarining tog‘oldi va tog‘li hududlarida yomg‘ir yog‘ib, qorga aylanishi, ayrim joylarda kuchli yog‘ingarchiliklar kuzatiladi.
Shu bilan birga, tog‘oldi va tog‘li hududlarda sel-suv toshqin hodisalari yuzaga kelishi mumkin.
