Ukraina Mudofaa vazirligi fuqarolarni Ukraina Qurolli Kuchlari askarining rossiyalik harbiylar tomonidan qatl qurboniga aylangani munosabati bilan hamdardlik ko‘rsatishga chaqirdi.
Dushanba kuni ijtimoiy tarmoqlarda harbiy asirning qatl etilishi aks etgan rezonansli video paydo bo‘ldi.
«Halok bo‘lganlar va ularning oila a’zolari, birinchi navbatda, hurmat qilinishi kerak», — deb yozdi mudofaa vaziri o‘rinbosari Anna Malyar Facebook’da.
U «ijtimoiy tarmoqlar va odoblilik bir-biriga mos kelmasligini» ta’kidlab, marhumning shaxsi rasman tasdiqlanguncha kutishga chaqirdi.
Zo‘ravonlik sahnasi aks etgan kadrlar telegram-kanallarda 6 mart kuni kunduzi paydo bo‘ldi.
Videoda harbiy formadagi kishi o‘rmonda turadi va chekadi. Kadr ortidagi ovoz aytadi: «Tasvirga ol», va kamera ko‘tariladi. Askar shunday deydi: «Ukrainaga shon-sharaflar». Keyin uni o‘qqa tutishadi va u qulaydi. Kadr ortidagi ovoz rus tilida so‘kinadi.
Bu video qachon va qayerda yozilgani ma’lum emas.
