TJM xodimi: «O‘zbekiston terma jamoasi murabbiylariga haykal qo‘yish kerak»

O‘zbekiston terma jamoalar markazining o‘rtoqlik uchrashuvlarini tashkil qilishi bo‘limiga mas'ul xodimi Sherzod Egamberdiyev O‘zbekiston terma jamoasi ko‘rsatayotgan natija uchun murabbiylarga haykal qo‘yish kerakligini ta'kidladi.

«Afsuski, biz Braziliya emasmiz. Boy Qatar yoki BAA ham emasmiz. Borimiz shu. Murabbiylarimizga ko‘rsatayotgan natijalari uchun haykal qo‘yish kerak. Jamoani «o‘ldirmasdan», qo‘llab-quvvatlash kerak. Futbolchilar ham JChga chiqishni istaydi», – deb yozgan Egamberdiyev feysbukdagi tortishuvlardan birida.

Eslatib o‘tamiz, O‘zbekiston terma jamoasi JCh saralash bosqichi doirasidagi uchrashuvda Suriya terma jamoasiga 0:1 hisobida imkoniyatni boy berib, JCh yo‘llanmasi uchun imkoniyatlarini pasaytirib yuborgandi.