Qoʻshimcha funksionallar
-
Tungi ko‘rinish
Sankt-Peterburgda Estoniya konsuli qo‘lga olindi
Estoniya tashqi ishlar vazirligi vakili Aari Lemmik ushbu holatni ig‘vogarlik deb atadi.
Foto: assembly.spb.ru
Rossiya federal xavfsizlik xizmati Sankt-Peterburgda Estoniya bosh konsulxonasi konsuli Mart Lyatteni qo‘lga oldi.
Xabar qilinishicha, Lyatte Rossiya fuqarosidan maxfiy tusdagi ma'lumotlarni olayotgan vaqtda ushlangan.
«Bunday faoliyat diplomatik xodim maqomiga to‘g‘ri kelmaydi va Rossiya Federatsiyasiga nisbatan dushmanona tusga ega», — deyiladi FXX bayonotida.
Ta'kidlanishicha, diplomatga nisbatan xalqaro huquq normalariga muvofiq chora ko‘riladi.
O‘z navbatida, Estoniya tashqi ishlar vazirligi vakili Aari Lemmik ushbu holatni ig‘vogarlik deb atadi.
«Biz Rossiyaning harakatlarini qoralaymiz. Bu noqonuniy, ig‘vogarona va Yevropa Ittifoqiga a'zo davlatlar hamda butun Yevropa Ittifoqiga zarar yetkazadi», — dedi Lemmik.
U konsulga nisbatan ilgari surilgan ayblovlar asossiz, dalillar esa soxtalashtirilganini ta'kidladi.
Mavzuga oid
17:23
Rossiyada migrantlar uchun rus tili va tarix imtihonining yagona narxi belgilandi
15:36
O‘zbekistondan Rossiyaga yetkazilayotgan mahsulotlar ro‘yxati 68 ta yangi pozitsiyaga ko‘paydi
22:41 / 11.12.2024
Yevropa Ittifoqi Rossiyaning maxfiy tankerlariga qarshi kurashadi
20:38 / 11.12.2024