Туркиянинг Эгей денгизи соҳилларида 5,3 баллик зилзила рўй берди. Бу ҳақда АҚШ геология хизмати хабар қилмоқда.
Ер силкиниши сешанба 7 февраль куни тунги соат 02:24да юз берган. Зилзила маркази Чаноққалъа вилояти Эзине шаҳридан 36,7 км жануби-ғарбда, 6,8 км чуқурликда жойлашган.
Аввалроқ, Европа Ўрта Ер денгизи сейсмология маркази (EMSC) 6 февраль куни эрталаб Туркиянинг ғарбий соҳилида 5,2 баллик ер қимирлагани ҳақида хабар қилган эди.
Чаноққалъадаги зилзила Айважик шаҳри ҳудудида 102та уйнинг қулашига сабаб бўлган. Камида 5 кишининг жабрлангани хабар қилинмоқда.