2016 йилнинг 1 январидан Қозоғистонда “мобил куллик” бекор қилинади. Бу ҳақда мамлакат бош вазири Карим Масимовнинг расмий сайтида хабар қилинди.
Бош вазирнинг инвестициялар ва ривожланиш бўйича ўринбосари Сакен Сарсенов Сенатнинг иқтисодий сиёсат, инновацион ривожланиш ва тадбиркорлик бўйича қўмитасининг кенгайтирилган йиғилишида кўрсатилган санадан абонентлар операторни ўзгартирганида ўз рақамларини сақлаб қолиш имкониятига эга бўлишини таъкидлаб ўтди.
Шунингдек, Сарсенов уяли алоқа тарифлари ўсмаслигини айтди. Ўртача тариф бугунги кунда 3 танга/дақиқани ташкил қилмоқда.
