Ангренда 17 ёшли ўғри қиз қўлга олинди. Бу ҳақда “Постда” газетасида ёзилди.
Айтилишича, Оқила исмли қиз маҳаллий педагогика коллежида ўқиб юрган кезлари қўшнисининг уйида ҳеч ким йўқлигидан фойдаланиб, у ердан 100 доллар ва 400 минг сўм ўғирлаб чиққан.
Ўғрилик осонлик билан кечганини кўрган қиз шу йўл билан “тирикчилик” қила бошлаганю. Бир неча йил давомида у кўплаб уйларга ўғриликка тушиб, пул, заргарлик буюмлари ва бошқа турдаги моддий қимматликларни ўмарган.
Яқинда у Ангрен шаҳар ИИБ ходимлари томонидан қўлга олинди. Эндигина 17 ёшга тўлган қиз суд олдида жавоб берадиган бўлди.