Ўзбекистон Фавқулодда вазиятлар вазирлиги 7 декабрь куни Ўзбекистон ҳудудида сезилган зилзила ҳақида маълумот берди.
“Тошкент” сейсмомаркази хабарига кўра, 7 декабрь куни соат 12:50да зилзила қайд этилди. Унинг эпимаркази Тошкентдан 430 км узоқликда, жануби-шарқий йўналишда Тожикистон Республикаси ҳудудида жойлашди. Ушбу зилзила магнитудаси 7,3 баллга тенг бўлди”, дейилади ФВВ маълумотида.
Ўзбекистон ҳудудида ерости силкиниши Андижон, Жиззах, Самарқанд, Фарғона шаҳарларида 4 балл, Қарши, Наманган, Термизда 3,5 балл, Тошкент, Гулистон, Навоийда 3 баллни ташкил этди.
Республиканинг бошқа ҳудудларида ер қимирлаши сезилмади.
Вайроналар ва қурбонлар ҳақида маълумот келиб тушмаган.