АҚШ болаларга тегишли маҳсулотлар савдоси билан шуғулланувчи Kolcraft компанияси фарзандига коляска танлаётган ота-оналарга қулайлик яратди. Энди ота-она катталаштирилган коляскада сайр қилиб, аравачанинг қулайлик даражасини аниқлаши мумкин.
Компания ўзининг Bliss моделли болалар коляскасининг улкан моделини яратди. У сотувга чиқарилмайди, лекин катталар унга ўтириб, фарзандларининг ҳиссиётларини туйиб кўришлари мумкин. Kolcraft президенти Том Колтуннинг айтишича, ноодатий тест-драйв 7 июнь Чикаго истироҳат боғида режалаштирилган.