Unbox Therapy’нинг YouTube-каналида iPhone 7 қурилмасининг Deep Blue ранги илк марта намойиш қилинди.
Муаллиф роликда Apple қурилмаларини йиғувчи заводдаги манбадан олинган смартфон прототипларидан бири акс эттирилганини маълум қилмоқда. Бу каналда iPhone 6, 6s ва iPad Air қурилмаларининг илк прототиплари тақдимотга қадар намойиш этилган.
Янги қурилманинг ташқи кўриниши олинган дастлабки маълумотларга тўғри келади. Роликда тахминан 5,5-дюймга эга дисплейли iPhone 7 Pro кўрсатилган. Қурилманинг иккита камераси ва аксессуарларни улаш учун универсал Smart Connector’и бор.
Шунингдек мазкур прототип қурилмада қулоқчинларни улайдиган жой бўлмаслиги ҳамда смартфоннинг кўк рангда чиқарилиши ҳақидаги маълумотни тасдиқлайди.
