АҚШнинг Лос-Анжелес аэропорти полиция бошқармаси аэропорт ҳудудида отишма рўй бергани ҳақидаги хабарни рад этди ва текширув вақтида машҳур киноқаҳрамон Зорро либосидаги шахсни қўлга олди. Бу ҳақда аэропорт маъмурияти маълум қилган.
Бундан олдинроқ аэропортнинг асосий терминалига кириш ва ундан чиқиш ичкаридан ўқ товушлари эшитилгани ҳақидаги маълумот туфайли тўсиб қўйилгани ҳақида хабар берилганди.
Хавф ҳақида хабар эълон қилинди, текширув ўтказилди. Натижада, полиция ҳеч қандай ўқ товушлари ва хавфсизликка таҳдид бўлмаганини аниқлади.
"Зорро" ва бу хавф ҳақидаги хабар ўртасида боғлиқлик бор ёки йўқлигига аниқлик киритилмаган.
